The news is by your side.

Advertisement

سعودی اسپتالوں کو عالمی سطح پر بڑا اعزاز مل گیا

ریاض: سعودی اسپتالوں نے اپنے معیار کے لیے بین الاقوامی سطح پر بڑا اعزاز حاصل کر لیا ہے۔

تفصیلات کے مطابق امریکی میگزین نیوز ویک نے کنگ سعود یونیورسٹی میڈیکل سٹی (KSUMC) اور اس کے کنگ عبدالعزیز اور کنگ خالد اسپتالوں کو 2022 کے لیے بین الاقوامی سطح پر بہترین اسپتالوں میں شامل کر لیا ہے۔

سعودی اسپتالوں کو دی جانے والی یہ ریٹنگ صحت کی دیکھ بھال، انفیکشن کنٹرول کے اقدامات، مریضوں کی حفاظت، اور طبی خدمات کے معیار سے متعلق دیگر اشاریوں میں بہتر کارکردگی پر مبنی ہے۔

کنگ سعود یونیورسٹی میڈیکل سٹی نے کنگ خالد اور کنگ عبدالعزیز اسپتالوں میں بین الاقوامی سطح پر تسلیم شدہ معیارات کی تعمیل پر کامیابی کے بعد ڈائمنڈ ڈگری سرٹیفکیٹ سمیت کئی بین الاقوامی اعزازات کی منظوری حاصل کی ہے۔

کنگ سعود یونیورسٹی میڈیکل سٹی نے کئی بین الاقوامی توثیقی سرٹیفکیٹس حاصل کیے ہیں، جیسا کہ ڈائمنڈ ڈگری سرٹیفکیٹ، جو کینیڈین ایکریڈیٹیشن کمیشن کی جانب سے ایک اعلیٰ ترین ریٹنگ ہے، یہ سرٹیفکیٹ کنگ خالد اور کنگ عبدالعزیز اسپتالوں میں بین الاقوامی سطح پر تسلیم شدہ کوالٹی اسٹینڈرڈز کی تعمیل پر کمیشن کی ٹیم کے جامع جائزے میں کامیابی کے بعد دیا گیا۔

کنگ سعود یونیورسٹی میڈیکل سٹی نے سعودی سینٹرل بورڈ فار ایکریڈیٹیشن آف ہیلتھ کیئر انسٹی ٹیوشنز سے بھی توثیق حاصل کی ہے، اس کے ساتھ کنگ سعود یونیورسٹی کے کالج آف فارمیسی اور یونیورسٹی میڈیکل سٹی نے کلینیکل فارمیسی ریزیڈنسی پروگرام پر آٹھ سال کے لیے امریکن سوسائٹی آف ہیلتھ سسٹم فارماسسٹ کی بھی توثیق حاصل کی ہے۔

امریکن سوسائٹی آف ہیلتھ سسٹم فارماسسٹ امریکا میں اس پروگرام کے لیے واحد ایکریڈیشن باڈی ہے جس کا مقصد ایسے تربیتی پروگراموں کے ذریعے اعلیٰ تعلیم یافتہ ہیلتھ پریکٹیشنرز کو تیار کرنا ہے جو علم کی اعلیٰ سطح کو یقینی بناتے ہیں۔

کنگ سعود یونیورسٹی میڈیکل سٹی نے چھٹے درجے کی ریٹنگ حاصل کرنے کے لیے امریکن سوسائٹی فار ہیلتھ انفارمیشن مینجمنٹ سسٹمز کا ایوارڈ بھی جیتا ہے۔ ہیلتھ انفارمیشن مینجمنٹ سسٹمز ایسوسی ایشن کی درجہ بندی آٹھ مراحل پر مشتمل ہے جو اس بات کا اندازہ لگاتی ہے کہ اسپتال کس حد تک ہیلتھ انفارمیشن سسٹم ایپلی کیشنز اور ہیلتھ ٹیکنالوجی کو استعمال کر رہے ہیں۔

Comments

یہ بھی پڑھیں