ابوظبی: پی ایس ایل 6 کے 24ویں میچ میں کراچی کنگز نے پشاور زلمی کو جیت کے لیے 109 رنز کا ہدف دے دیا۔
تفصیلات کے مطابق ابوظبی کے شیخ زید اسٹیڈیم میں کھیلے جانے والے میچ میں کراچی کنگز نے مقررہ اوورز میں 9 وکٹوں کے نقصان پر 108 رنز بنائے اور زلمی کو جیت کے لیے 109 رنز کا ہدف دیا۔
کراچی کنگز کی 5 وکٹیں 67 رنز پر گریں، بابر اعظم بغیر کوئی رن بنائے آؤٹ ہوئے، شرجیل خان 25 رنز بناسکے، مارٹن گپٹل بھی 4 رنز بنا کر پویلین لوٹ گئے۔
Sensational bowling by @AbrarAhmed_AB! 👏🏼
He picks the third of his spell.#MatchDikhao l #HBLPSL6 I #PZvKK pic.twitter.com/CM8gNjHPRN— PakistanSuperLeague (@thePSLt20) June 15, 2021
چیڈوک والٹن کو صفر پر ثمین گل نے ایل بی ڈبلیو کیا، زنجیب اللہ زادران 17 رنز پر ہمت ہار گئے، عامر یامین صفر پر ابرار احمد کی گیند پر کامران اکمل کو کیچ دے بیٹھے۔
عماد وسیم 19 رنز پر وہاب ریاض کا نشانہ بنے، عباس آفریدی نے 27 رنز بنا کر ناٹ آؤٹ رہے۔
↔️
Which way did that go? Captain @simadwasim gets a leading edge as Karachi lose their 7th. #MatchDikhao l #HBLPSL6 I #PZvKK pic.twitter.com/y1ZznysU20
— PakistanSuperLeague (@thePSLt20) June 15, 2021
وہاب ریاض اور ابرار احمد نے تین، تین وکٹیں حاصل کیں، فاسٹ بولر ثمین گل دو وکٹیں حاصل کرسکے۔
The Boy Who Lived ⚡️
A ball after insisting on a review that was lost, Abrar gets rid of @amiryamin54 to redeem himself!#MatchDikhao l #HBLPSL6 I #PZvKK pic.twitter.com/Kd1kM9sdBb
— PakistanSuperLeague (@thePSLt20) June 15, 2021
اس سے قبل پشاور زلمی کے کپتان وہاب ریاض نے ٹاس جیت کر عماد وسیم الیون کو پہلے بیٹںگ کی دعوت دی تھی۔
کراچی کنگز کے کپتان عماد وسیم کا کہنا تھا کوشش ہوگی زلمی کے خلاف بڑا اسکور کرکے کامیابی حاصل کریں، ٹیم میں نور احمد اور عامر یامین کو شامل کیا گیا ہے۔
وہاب ریاض کا کہنا تھا کہ میچ میں اوس اہم کردار ادا کرے گی، ہمیں اپنی بولنگ میں بہتری کی ضرورت ہے، ٹیم میں حضرت اللہ ززئی اور ثمین گل کو شامل کیا گیا ہے۔
کراچی کنگز اسکواڈ
کراچی کنگز میں عماد وسیم کپتان ہیں دیگر کھلاڑیوں میں بابر اعظم، شرجیل خان، نجیب اللہ زاردان، نور احمد، مارٹن گپٹل، والٹن، عباس آفریدی، وقاص مقصود، محمد عامر اور عامر یامین شامل ہیں۔
پشاور زلمی اسکواڈ
پشاور زلمی کی قیادت وہاب ریاض کررہے ہیں دیگر کھلاڑیوں میں کامران اکمل، حضرت اللہ ززئی، حیدر علی، شعیب ملک، رومن پاول، شیرفین ردرفورڈ، ابرار احمد، عمید آصف، محمد عرفان اور ثمین گل شامل ہیں۔
