شوبز انڈسٹری کی معروف اداکارہ کرن اشفاق نے شوہر حمزہ علی چوہدری کے ساتھ ویڈیو شیئر کردی۔
فوٹو اور ویڈیو شیئرنگ ایپ انسٹاگرام پر اداکارہ کرن اشفاق نے ویڈیو شیئر کی جس میں انہیں شوہر کے ساتھ انڈور کرکٹ میچ دیکھتے خوشگوار موڈ میں دیکھا جاسکتا ہے۔
کرن اشفاق نے ویڈیو کے ساتھ بھارتی فلم ’ویر زارا‘ کا ڈائیلاگ شیئر کیا۔
انہوں نے بیک گراؤنڈ میوزک کے ساتھ ڈائیلاگ ’مانا کے تم مجھ سے لڑتے ہو، مگر تم جتنا پیار مجھے اور کوئی نہیں کرتا، میری زندگی میں آکر اسے اتنا خوبصورت بنانے کے لیے آپ کا شکریہ۔ کہے‘
کرن اشفاق نے چند گھنٹوں قبل ویڈیو شیئر کی جسے ہزاروں کی تعداد میں مداح دیکھ چکے ہیں اور اس پر تعریفی کمنٹس بھی کررہے ہیں۔
واضح رہے کہ کرن اشفاق نے چند ماہ قبل پی پی رہنما اور تاجر حمزہ علی چوہدری کے ساتھ دوسری شادی کی جس کی تصاویر اور ویڈیو سوشل میڈیا پر وائرل ہوگئی تھیں۔
یاد رہے کہ کرن اشفاق اور عمران اشرف کے درمیان سال 2022 میں طلاق ہوئی تھی، دونوں 2018 میں رشتہ ازدواج میں منسلک ہوئے تھے جبکہ ان کے ہاں 2020 میں بیٹے روہام کی پیدائش ہوئی تھی۔
