The news is by your side.

کسان اتحاد کا احتجاج: شہریوں کی آسانی کیلئے اسلام آباد میں بند راستے کھول دیئے گئے

اسلام آباد : وفاقی دالحکومت میں پولیس نے شہریوں کی آسانی کیلئے کسان اتحاد کے احتجاج کے پیش بند ٹی چوک روات کے راستے کھول دئیے۔

تفصیلات کے مطابق وفاقی دالحکومت اسلام آباد میں کسان اتحاد کی ممکنہ احتجاجی ریلی کے پیش نظر راستے بند کردیئے، جس سے لوگوں کو پریشانی کا سامنا ہے۔

اسلام آباد پولیس نے راستے سیل ہونے پر ٹریفک کے رش اور شہریوں کی آسانی کیلئے ٹی چوک روات کے راستے کھول دئیے۔

ترجمان اسلام آباد پولیس نے بتایا کہ ریڈزون اور ڈی چوک کے راستے بھی محدود پیمانے پر کھول دئیے گئے ہیں۔

آئی جی اسلام آبادڈاکٹراکبر ناصرنے شہریوں کی آسانی کے پیش نظر متبادل انتظامات کی ہدایت کی۔

ترجمان نے بتایا کہ شہریوں کو آمدورفت میں کوئی رکاوٹ نہیں ہے، احتجاجی مظاہرےمیں اسلام آبادمیں داخل ہونے سے پہلےمذاکرات ہونگے۔

پولیس کا کہنا ہے کہ ڈی آئی جی آپریشنز،ڈی سی اسلام آباداورانتظامیہ موقع پرموجود ہوں گے۔

Comments

یہ بھی پڑھیں