ممبئی: بالی ووڈ کی لیجنڈری اداکارہ کشوری بالال 82 برس کی عمر میں دارِ فانی سے کوچ کرگئیں۔
بھارتی میڈیا رپورٹ کے مطابق کشوری بالال گزشتہ کئی عرصے سے علیل تھیں، گزشتہ روز وہ بنگلور میں اپنی رہائش گاہ پر موجود تھیں کہ اچانک طبیعت خراب ہوئی۔
اہل خانہ اداکارہ کو لے کر اسپتال پہنچے مگر وہ جانبر نہ ہوسکیں اور 82 برس کی عمر میں دارِ فانی سے کوچ کرگئیں۔
کشوری بالال نے بالی ووڈ کی 70 سے زائد فلموں میں کام کیا، انہوں نے کنگ خان سمیت دیگر نامور اداکاروں کے ساتھ کام کیا۔
سماجی رابطے کی ویب سائٹ پر شاہ رخ خان نے اداکارہ کے انتقال پر افسوس کا اظہار کرتے ہوئے کہا کہ ’کشوری اماں ہمیشہ مجھے سگریٹ نوشی سے روکتی تھیں، انہوں نے اس معاملے پر ڈانٹ ڈپٹ بھی کی‘۔
کنگ خان نے لکھا کہ میں کشوری اماں کی کمی بہت زیادہ محسوس کروں گا۔
May her soul rest in peace. Kishori ‘Amma’ will be sorely missed. Especially how she used to reprimand me for smoking. May Allah look after her. pic.twitter.com/E8UGZMZ0Zj
— Shah Rukh Khan (@iamsrk) February 19, 2020
بالی ووڈ کی دیگر شخصیات نے بھی کشوری اماں کے انتقال پر افسوس کا اظہار کیا اور انہیں خراج عقیدت پیش کیا۔
بھارتی میڈیا رپورٹ کے مطابق کشوری بالال آخری بار کنگ خان کی فلم ’زیرو‘ میں کام کرتی نظر آئیں تھیں، بعد ازاں وہ بیماری کے باعث گھر پر بیٹھ گئی تھیں۔
HEARTBROKEN! 😥
Terribly sad about the passing away of #KishoriBallal ji!!
Kishori ji… you will be remembered for your generously kind, warm and affable persona!
And your unforgettable performance as #Kaveriamma in #Swades !!
You will surely be missed!! 🙇♂️ pic.twitter.com/DIAlnhLOgu— Ashutosh Gowariker (@AshGowariker) February 18, 2020
اداکارہ نے بالی ووڈ میں 1960 میں فلم لوینتھا ہندہتی سے ڈیبیو کیا اور پہلی ہی فلم سے اپنی صلاحیتوں کا لوہا منوایا۔