site
stats
سندھ

ایم کیو ایم رکن قومی اسمبلی کشور زہرا کی گاڑی ڈاکوؤں نے چھین لی

کراچی : مسلح افراد نے متحدہ قومی موومنٹ کی حق پرست رکن قومی اسمبلی محترمہ کشور زہرا کی گاڑی ٹویوٹا کرولا BCP 617  گلشن اقبال سے گن پوائنٹ پر چھین لی۔ کشور زہرا نے واقعہ کے خلاف رپورٹ درج کرانے کیلئے متعلقہ تھانے سے رجوع کرلیا۔

تفصیلات کے مطابق ایم کیوایم کی رکن قومی ا سمبلی کشورزہرہ کی گاڑی گلشن اقبال سے چھین لی گئی، تاہم کشور زہرا اس وقت گاڑی میں موجود نہیں تھیں۔ پولیس کے مطابق گاڑی ڈرائیور سے اسلحے کے زور پر چھینی گئی ہے اور ملزمان گاڑی چھیننے کے بعد فرار ہونے میں کامیاب ہو گئے۔

رکن قومی اسمبلی کشور زہرہ کا کہنا ہے کہ وہ خود اسلام آباد میں ہیں، جبکہ گاڑی ان کے ڈرائیور سے چھینی گئی ہے۔ انہوں نے بتایا کہ گاڑی کا ٹریکر سسٹم بھی ناکارہ بنا دیا گیا ہے، پولیس نے واقعہ کا مقدمہ درج کر کے گاڑی اور ملزمان کی تلاش شروع کردی ہے۔

ایم کیو ایم کی رابطہ کمیٹی کے اراکین نے کشور زہرہ کی گاڑی کے چھیننے کے واقعہ پراپنی شدید مذمت کا اظہار کرتے ہوئے کہا ہے کہ گاڑی گن پوائنٹ پر چھینے جانا شہر میں امن و امان کی صورتحال پر سوالیہ نشان ہے۔

انہوں نے کہا کہ گاڑی کو فی الفور بازیاب کرایا جائے اور اس میں ملوث عناصر کو قرا ر واقعی سزا دی جائے۔

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top