The news is by your side.

Advertisement

لاہورمیں پابندی کے باوجود پتنگ بازی، 106 گرفتار، مقدمہ درج

لاہور : پولیس نے پتنگ بازی ایکٹ کی خلاف ورزی پر کارروائی کرتے ہوئے مختلف علاقوں سے106پتنگ بازوں کو گرفتار کرلیا، ملزمان سے500 زائد پتنگیں برآمد کرکے ان کیخلاف مقدمات درج کرلیے ہیں۔

تفصیلات کے مطابق لاہور میں پابندی کے باوجود پتنگ بازی کا سلسلہ جاری ہے، کینٹ لاہور کے علاقہ میں ڈور پھرنے سے موٹر سائیکل سوار نوجوان دم توڑ گیا جبکہ سبزہ زار میں کٹی پتنگ کی ڈور گلے پر پھرنے سے نوجوان زخمی ہو گیا۔ زخمی کو طبی امداد کے لئے ہسپتال منتقل کردیا گیا۔

لاہور پولیس نے پتنگ بازی ایکٹ کی خلاف ورزی پر کارروائی کرتے ہوئے مختلف علاقوں سے106پتنگ بازوں کو گرفتار کرلیا، ملزمان سے500 زائد پتنگیں برآمد کرکے ان کیخلاف مقدمات درج کرلیے ہیں۔

لاہور میں پتنگ کی ڈور پھرنے کے واقعات میں شہریوں کی ہلاکت کا سی سی پی اوذوالفقار حمید نے سختی سے نوٹس لیا ہے
سی سی پی او نے فرائض میں غفلت پر تھانہ شمالی چھاؤنی کے ایڈیشنل ایس ایچ او کو معطل کردیا۔

قبل ازیں سی سی پی او نے ایس پی کینٹ سے واقعے کی رپورٹ طلب کی تھی، ان کا کہنا ہے کہ پتنگ بازی کرنے والوں سے آہنی ہاتھوں سے نمٹا جارہا ہے۔

 چوبیس سالہ شہری سید شبیر حسین کو عسکری 10 کے سامنے نامعلوم سمت سے آنے والی ڈور نے زخمی کر دیا جو کہ اسپتال میں زخموں کی تاب نہ لاتے ہوئے دم توڑ گیا تھا۔ سید شبیر حسین کے ورثاء اطلاع ملتے ہی اسپتال پہنچ گئے اور ہلاکت کی تصدیق ہونے پر وہاں کہرام برپا ہو گیا۔

علاوہ ازیں سبزاہ زار کے علا قہ میں شاہ فرید دربار کے قریب سمیع اللہ بٹ کا بیٹا معین بٹ موٹر سائیکل پر جا رہا تھا کہ نامعلوم سمت سے آنے والی کٹی پتنگ کی ڈور پھرنے سے زخمی ہو گیا، جس کو طبی امداد کے لئے اسپتال منتقل کیا گیا۔

Comments

یہ بھی پڑھیں