گجرات : نوجوان گلے پر پتنگ کی ڈور پھرنے سے جاں بحق ہوگیا ، معاذ علی موٹر سائیکل پرہمشیرہ کو ٹیوشن سینٹر چھوڑنے جا رہا تھا۔
تفصیلات کے مطابق پنجاب میں پتنگ بازی کے خونی کھیل میں ایک جانب چلی گئی ، بغداد کالونی میں 17 سال کا نوجوان گلے پر ڈور پھرنے سے جاں بحق ہوگیا۔
ریسکیوذرائع نے بتایا کہ معاذ علی موٹر سائیکل پرہمشیرہ کو ٹیوشن سینٹر چھوڑنے جا رہا تھا کہ حادثے کا شکار ہوا، معاذ علی کی میت پوسٹ مارٹم کے لئے عزیز بھٹی اسپتال منتقل کردیا گیا ہے۔
آئی جی پنجاب عثمان انور نے گجرات میں گلے پر ڈورپھرنے سے 17سال کےلڑکے کےجاں بحق ہونے کے واقعے کا نوٹس لیتے ہوئے آر پی او گوجرانوالہ سے رپورٹ طلب کرلی ہے۔
عثمان انور نے ڈی پی او گجرات کو پتنگ بازی ایکٹ پرعملدرآمدیقینی بنانےکی ہدایت کرتے ہوئے کہا کہ پتنگ کی فروخت اور بنانے والوں کیخلاف کریک ڈاؤن تیزکیاجائے اور خطرناک کاروبار میں ملوث ملزمان کو قرار واقعی سزائیں دلائی جائے۔
