The news is by your side.

Advertisement

کیوی ٹیم کی پاکستان آمد سے متعلق اہم خبر

لاہور: پاکستان میں سیکیورٹی صورت حال کا جائزہ لینے کے لیے نیوزی لینڈ کرکٹ بورڈ کا سیکیورٹی وفد آئندہ ماہ پاکستان پہنچے گا۔

اے آر وائی نیوز کے مطابق ذرائع کا کہنا ہے کہ نیوزی لینڈ کرکٹ بورڈ کے سیکیورٹی وفد کی رپورٹ کی روشنی میں دورہ پاکستان کی تصدیق ممکن ہوسکے گی۔

ذرائع کا کہنا ہے کہ کیوی بورڈ سے سیکیورٹی امور کے ماہر رگ ڈیکاسن پاکستان آئیں گے جو کراچی، لاہور اور راولپنڈی میں انتظامات کا جائزہ لیں گے۔

واضح رہے کہ پاکستان اور نیوزی لینڈ کے درمیان سیریز رواں برس ستمبر، اکتوبر میں شیڈول ہے۔

یاد رہے کہ گزشتہ دنوں پاکستان کرکٹ بورڈ نے نیوزی لینڈ کو تین ٹی ٹوئنٹی کے بجائے پانچ ٹی ٹوئنٹی کھیلنے کی پیشکش کی تھی۔

ذرائع کا کہنا ہے کہ دو اضافی ٹی ٹوئنٹی میچز کے لئے نیوزی لینڈ بورڈ اور پی سی بی کے درمیان بات چیت جاری ہے، آئندہ چند روز کے دوران نیوزی لینڈ کرکٹ بورڈ کی جانب سے باضابطہ آگاہ کردیا جائے گا۔

یاد رہے کہ ورلڈ کپ رواں سال سترہ اکتوبر سے چودہ نومبر تک ابوظبی، دبئی، شارجہ اور مسقط میں کھیلا جائے گا۔

Comments

یہ بھی پڑھیں