آکلینڈ: سابق کیوی فاسٹ بولر جیمز فرینکلن کی نوبل انعام یافتہ ملالہ یوسفزئی سے ملاقات ہوئی، فرینکلن کا کہنا ہے کہ ملالہ یوسفزئی سے مل کر بہت متاثر ہوا ہوں۔
سماجی رابطے کی ویب سائٹ ٹویٹر نیوزی لینڈ کے سابق فاسٹ بولر جیمز فرینکلن نے تصویر شیئر کی اور لکھا کہ 2014 کی نوبل انعام یافتہ سے چیسٹر میں ملاقات ہوئی اور ان سے مل کر بہت اچھا لگا۔
چیسٹر میں ان دنوں گلوبل ٹی ٹوئنٹی لیگ کھیلی جارہی ہے ہے جس میں کیوی فاسٹ بولر جیمز فرینکلن بھی ایک ٹیم کی نمائندگی کررہے ہیں۔
Very humbled to meet the 2014 Nobel Prize Laureate @Malala today @LastManStands in Chester. pic.twitter.com/On3J5bmrlP
— James Franklin (@jecfranklin) August 6, 2018
21 سالہ ملالہ یوسفزئی اپنے متعدد لیکچرز میں کھیلوں کے حوالے سے بھی گفتگو کرتی رہتی ہیں، پاکستانی ٹیم جب لارڈز کے میدان میں انگلینڈ کے خلاف ٹیسٹ میچز کھیل رہی تھی تو ملالہ یوسفزئی قومی ٹیم کو سپورٹ کرنے میں پیش پیش رہی تھیں۔
واضح رہے کہ پسندیدہ شخصیات سے متعلق برطانوی ویب سائٹ نے رپورٹ جاری کی تھی جس میں ملالہ یوسفزئی کا نام بھی شامل تھا۔
خیال رہے کہ ملالہ یوسفزئی کی زندگی پر فلم گل مکئی بھی بنائی جارہی ہے، اس فلم میں ملالہ یوسفزئی کے وادی سوات سے دنیا کی کم عمر ترین نوبیل انعام یافتہ شخصیت بننے کے سفر کو بیان کرتے ہوئے ان کی قربانیوں پر بھی نظر ڈالی جائے گی۔
