بھارتی بیٹر کے ایل راہول نے اپنی اہلیہ اتھیا شیٹی کے لیے شادی کی پہلی سالگرہ پر جذبات سے بھرپور پیغام جاری کیا ہے۔
کے ایل راہول نے 23 جنوری منگل کو اپنی شادی کی پہلی سالگرہ کے موقع پر اپنی اہلیہ بالی وڈ اداکارہ اتھیا شیٹی کے نام محبت بھرا پیغام شیئر کیا۔ اتفاقاً پچھلے سال اسی دن ممبئی میں یہ جوڑا شادی کے بندھن میں بندھا تھا۔
انھوں نے اپنے آفیشل انسٹاگرام پیج پر ایک ریل شیئر کی جس میں وہ اور اتھیا شیٹی اپنی شادی کے موقع پر بھرپور انجوائے کرتے نظر آرہے ہیں۔
31 سالہ نوجوان بیٹر نے شیئر کی گئی پوسٹ کے کیپشن میں اتھیا کے لیے لکھا کہ ’آپ کا مل جانا ایسا ہے کہ جیسے کوئی اپنے گھر واپس آگیا ہو‘۔
واضح رہے کہ راہول فی الحال بھارتی ٹیسٹ اسکواڈ کے ساتھ حیدرآباد میں ہیں اور انگلینڈ کے خلاف 25 جنوری سے شروع ہونے والے پہلے ٹیسٹ کی تیاری کر رہے ہیں۔
