کراچی: کراچی میٹرو پولیٹن کارپوریشن (کے ایم سی) کی 121 مخصوص نشستوں کا انتخاب مکمل ہو گیا، پیپلز پارٹی کی 155 نشستیں ہو گئیں، جب کہ جماعت اسلامی کی نشستوں کی تعداد 130 ہے۔
تفصیلات کے مطابق کے ایم سی میں مخصوص نشستوں کے انتخاب کے بعد پیپلز پارٹی سرفہرست ہے، جب کہ جماعت اسلامی دوسر نمبر پر ہے، پی ٹی آئی 62، اور مسلم لیگ کی ن لیگ 14 کو نشستیں حاصل ہوئی ہیں۔
کراچی میٹرو پولیٹن کارپوریشن میں جے یو آئی کی 4 اور ٹی ایل پی کی ایک نشست ہے۔
کے ایم سی کی 121 مخصوص نشستوں میں پارٹی پوزیشن بھی واضح ہو گئی ہے، خواتین کی مخصوص نشستوں میں پیپلز پارٹی کو 34 نشستیں ملی ہیں، جب کہ جماعت اسلامی کو 29 نشستیں ملیں۔
پی ٹی آئی 14، ن لیگ 3، جے یو آئی نے 3 خواتین کی مخصوص نشستیں حاصل کیں، یوتھ نشستوں میں پیپلز پارٹی کو 5، جماعت اسلامی کو 4، پی ٹی آئی کو 2، اور ن لیگ کو ایک نشست ملی۔
کسان مزدور کی پیپلز پارٹی کو 5، جماعت اسلامی کو 4، پی ٹی آئی کو 2 اور ن لیگ کو ایک نشست ملی ہے، اقلیت کی پیپلز پارٹی کو 5، جماعت اسلامی کو 4، پی ٹی آئی کو 2 اور ن لیگ کو ایک نشست ملی، معذور کی مخصوص نشستوں میں جماعت اسلامی اور پیپلز پارٹی کو ایک ایک نشست ملی، ٹرانسجینڈر میں پیپلز پارٹی اور جماعت اسلامی کو ایک ایک نشست ملی۔
پیپلز پارٹی کو 51 مخصوص، جماعت اسلامی کو 43 مخصوص نشستیں ملیں، پی ٹی آئی کی 20، ن لیگ کو 6 اور جے یو آئی کو ایک مخصوص نشست ملی ہے۔
