کراچی: شہرقائد میں میونسپل کارپوریشن کے ریٹائرد ملازم نےسوک سینٹر کی چوتھی منزل سے چھلانگ لگا کر خودکشی کرلی۔
تفصیلات کےمطابق شہر قائد میں کراچی میونسپل کارپوریشن کاریٹائرڈ ملازم کئی ماہ سے پینشن کےلیے کے ایم سی کے چکر لگا رہا تھااور آج دلبرداشتہ ہو کر چوتھی منزل سے کودگیا۔
کےایم سی کے عمر رسیدہ ملازم کو شدید زخمی حالت میں اسپتال منتقل کیاگیا لیکن وہ زخموں کی تاب نہ لاتے ہوئے جان کی بازی ہارگیا۔
سوک سینٹر کی چوتھی منزل سے خودکشی کرنے والے شخص کی شناخت اقبال ولد قاسم علی کے نام سے ہوئی ہے۔
ریٹائرد ملازم گزشتہ دو ماہ سے سوک سینٹر میں فنانس دپارٹمنٹ کے چکر لگارہاتھا لیکن افسران کی جانب سے اس کی کوئی داد رسی نہیں کی جارہی تھی۔
خودکشی کرنے والا اقبال قاسم علی 1999 میں کے ایم سی سے ریٹائر ہواتھا اور لانڈھی شیرپاؤ کالونی کا رہائشی تھا۔پولیس نے اقبال کی لاش قبضے میں لے لی ہےاور تفتیش کا آغاز کردیا ہے۔
