8 فروری کو ہونے والے عام انتخابات کے لیے کراچی میونسپل کارپوریشن نے پولنگ اسٹاف کی تربیت کے لیے نا خوانداہ ملازمین بھیج دیے۔
ملک بھر میں 8 فروری کو ہونے والے عام انتخابات کے لیے پولنگ اسٹاف کی تربیت کا سلسلہ جاری ہے۔ اے آر وائی نیوز کو ذرائع سے ملنے والی اطلاعات کے مطابق کراچی میونسپل کارپوریشن (کے ایم سی) نے کمال غفلت کا مظاہرہ کرتے ہوئے پولنگ اسٹاف کی تربیت کے لیے نا خواندہ ملازمین بھیج دیے۔
الیکشن کمیشن نے معاونت کے لیے کے ایم سی سے گریڈ 5 سے 15 تک کا کلریکل عملہ طلب کیا تھا لیکن کے ایم سی نے گریڈ 7 کے مالی اور ڈرائیوروں کو تربیت کے لیے گورنمنٹ مونو ٹیکنیکل کالج اورنگی بھیج دیے۔
ذرائع کے مطابق الیکشن کمیشن نے تربیت کے دوران اسٹاف کی اہلیت دیکھ کر جانچ پڑتا کی اور ناخواندہ ملازمین کو ایک روز کی تربیت کے بعد ہی واپس بھیج دیا۔
اس حوالے سے ڈائریکٹر کونسل کے ایم سی عبدالرب کا کہنا ہے کہ جو ملازمین دستیاب ہیں وہی بھیج سکتے ہیں۔
