تازہ ترین

علی امین گنڈاپور وفاق سے روابط ختم کر دیں، اسد قیصر

اسلام آباد: رہنما پاکستان تحریک انصاف اسد قیصر نے...

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

ماسکو: چاقو بردار شخص کا حملہ، 8 افراد زخمی

ماسکو: روش کے شمالی علاقے سرگٹ میں چاقو بردار شخص نے سڑک پر کھڑے لوگوں پر حملہ کردیا جس کے نتیجے میں 8 افراد شدید زخمی ہوگئے، پولیس نے بروقت کارروائی کرتے ہوئے دہشت گرد کو ہلاک کردیا۔

تفصیلات کے مطابق روس کے شمالی علاقے سرگٹ میں چاقو بردار حملہ آور نے سڑک پر کھڑے اور چلنے والے افراد پر حملہ کیا جس کے نتیجے میں 8 افراد زخمی ہوئے۔

فرانسیسی خبررساں ادارے کے مطابق پولیس کو جیسے ہی حملے کی اطلاع ملی انہوں نے بروقت کارروائی کرتے ہوئے پہلے حملہ آور کو گھیرا اور پھر فائرنگ کر کے اُسے ہلاک کردیا تاہم ابھی تک اُس کی شناخت نہ ہوسکی۔

عینی شاہدین کے مطابق پولیس نے حملہ آور کو گرفتار کرنے کی کوشش کی تاہم اُس نے مزاحمت شروع کی جس پر اہلکاروں نے فائرنگ کی اور مشتبہ شخص ہلاک ہوگیا۔ روسی پولیس کا کہنا ہے کہ تحقیقاتی کمیٹی نے معاملے کی تحقیقات کے لیے کمیٹی تشکیل دے دی ہے جس نے اپنے کام کا آغاز کردیا ہے۔

یاد رہے رواں ماہ بھی روس کے دارالحکومت میں عدالت کے احاطے میں مشتبہ افراد کی جانب سے حملہ کیا گیا تھا جس کے نتیجے میں متعدد افراد زخمی ہوئے تھے تاہم پولیس نے بروقت کارروائی کرتے ہوئے تین ملزمان کو ہلاک کردیا تھا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

- Advertisement -