کراچی : چھرا مار ملزم کی گرفتاری کیلئے پولیس حکام نے انعامی رقم میں اضافہ کردیا، چھلاوے کی گرفتاری میں مدد دینے والے کو 5 کے بجائے 10 لاکھ روپے دیئے جائیں گے، پولیس نےچھرا مار کے مزید اسکیچز بھی جاری کردیئے۔
تفصیلات کے مطابق کراچی کے علاقے گلستان جوہر میں خواتین پر چھری سے حملہ کر کے ان کو زخمی کرنے والے ملزم کی گرفتاری میں ناکامی پرعوام سے تعاون کی درخواست کی ہے۔
پولیس نے ملزم کے حلیے کے حوالے سے مزید تفصیلات فراہم کرتے ہوئے ملزم سے ملتی جلتی نئی تصاویر بھی جاری کی ہیں، جس کے مطابق حملہ آور کا وزن65کلو اور قد5فٹ9انچ ہے۔
مزید پڑھیں: خواتین پرچاقوسےحملہ، ملزم کی گرفتاری پرپانچ لاکھ روپے انعام
ایس ایس پی انویسٹی گیشن ذوالفقارمہر نے بتایا ہے کہ ملزم نے آخری واردات گلستان جوہر میں کالے رنگ کی70سی سی موٹرسائیکل پر کی۔انہوں نے مزید کہا کہ ملزم کو حراست میں لینے کیلئے علاقے میں پولیس کی بھاری نفری تعینات کی گئی ہے۔
مزید پڑھیں : نوجوان کے چاقو سے زخمی ہونے کا بیان جھوٹا نکلا
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔