ایبٹ آباد : نیب نے سی این ڈبلیو کے ہیڈکلرک کے گھر سے کروڑوں روپے کی کرنسی ، سونا، گاڑیاں ودیگر سامان برآمد کرلیا۔
تفصیلات کے مطابق کوہستان کرپشن اسکینڈل کی تحقیقات میں اہم پیش رفت سامنے آئی، نیب نے ایبٹ آباد میں اسٹیڈیم روڈ پر چھاپہ مار کر سی این ڈبلیو کے ہیڈکلرک کے گھر سے نقدی، سونا، گاڑیاں ودیگر سامان برآمد کرلیا۔
مرکزی کردار ڈمپر ڈرائیور کی چیک بک بھی برآمد ہوئی ، نیب نے ہیڈ کلرک کو رشتے دارسمیت حراست میں لے لیا۔
اس حوالے سے مشتاق غنی نے کہا کہ دوہزار انیس سے چوبیس تک یہ سب سے بڑی کرپشن ہے سی اینڈ ڈبلیو،بینک سمیت دیگرمحکموں کےافسران ملوث ہوسکتے ہیں۔
پبلک اکاؤنٹس کمیٹی کرپشن اسکینڈل کی تحقیقات کررہی ہے، نیب نے اٹھارہ ارب روپے برآمد کرلیے، خیبر پختونخوا کے انتیس اضلاع میں کرپشن کی خبریں زیرگردش ہیں، ان کی بھی تحقیقات کریں گے۔
ذرائع کے مطابق مالیاتی اسکینڈل میں صوبے کے خزانے سےچالیس ارب روپے نکالنے کا انکشاف ہوا ہے۔
