معروف برازیلی لیجنڈ فٹبالر رونالڈو نے مشہور کرکٹر ویرات کوہلی کو پہچاننے سے انکار کردیا جس کی ویڈیو وائرل ہوگئی۔
ویرات کوہلی کے بہت بڑے مداح یوٹیوب اسٹار ڈیرن جیسن عرف اسپیڈ کی جانب سے کرکٹر کے بارے میں برازیل کے سابق اسٹار فٹبالر رونالڈو سے پوچھا گیا۔ اس پر رونالڈو کا کہنا تھا کہ یہ کون ہیں!
یوٹیوبر نے ایک ملاقات کے دوران سابق فٹبالر رونالڈو سے چند سوالات کیے، ان میں ایک سوال یہ بھی تھا کہ کیا آپ ویرات کوہلی کو جانتے ہیں؟ جبکہ اسپیڈ نے انھیں کوہلی کی تصویر بھی دکھائی۔
ڈیرن نے ان سے پوچھا کہ کوہلی جن کا تعلق انڈیا سے ہے جس پر رونالڈو نے انکار میں جواب دیا اور کہا کہ کیا وہ ایک پلیئر ہیں میں انھیں نہیں جانتا۔
اس کے بعد ڈیرن نے ان کی معلومات میں اضافہ کرتے ہوئے بتایا کہ وہ کرکٹ کے کھلاڑی ہیں جس پر رونالڈو بولے کہ وہ یہاں برازیل میں اتنے مشہور نہیں ہے۔
اس کے بعد ڈیرن جیسن نے رونالڈو کو بتایا کہ کوہلی بابر اعظم سے اچھے پلیئر ہیں، اس دوران انھوں نے سابق فٹبالر کو کوہلی کی تصویر دکھائی تو رونالڈو نے کہا کہ ہاں میں نے انھیں دیکھا ہے۔
رونالڈ کے اس جواب ڈیرن نے کافی خوشی کا اظہار کیا۔ واضح رہے کہ کوہلی کو افغانستان کے خلاف حالیہ سیریز کے لیے بھارتی ٹیم میں دوبارہ سے شامل کیا گیا ہے۔
