بھارتی کرکٹ ٹیم کے مایہ ناز بیٹر ویرات کوہلی نے ٹی ٹوینٹی کے بعد ٹیسٹ کی کپتانی بھی چھوڑ دی۔
تفصیلات کے مطابق بھارتی کرکٹ ٹیم کے سابق کپتان ویرات کوہلی نے سماجی رابطے کی ویب سائٹ ٹویٹر پر ٹیسٹ کی کپتانی چھوڑنے کا اعلان کیا، واضح رہے کہ گزشتہ دنوں بورڈ کی جانب سے انہیں ون ڈے کی کپتانی سے ہٹا کر روہت شرما کو نیا کپتان بنایا گیا تھا۔
واضح رہے کہ ویرات کوہلی نے 7 سال تک بھارتی ٹیسٹ ٹیم کی قیادت کی، وہ بھارت کی ٹیسٹ کی تاریخ کے کامیاب ترین کپتان تھے۔
— Virat Kohli (@imVkohli) January 15, 2022
ویرات کوہلی نے کہا کہ سات سال بھارتی ٹیم کی قیادت کی جس کی بہت خوشی ہے، بھارت نے کوہلی کی قیادت میں سب سے زیادہ چالیس ٹیسٹ میچوں میں کامیابی حاصل کی۔
واضح رہے کہ گزشتہ روز کوہلی جنوبی افریقہ کیخلاف ٹیسٹ میچ میں ایشون کی گیند پر ڈین ایلگر کا ریویو ریورس ہونے پر غصے میں آگئے تھے اور پچ پر مائیک میں آکر براڈ کاسٹر پر غصہ نکالا تھا۔
