ویرات کوہلی اپنے ہی ہاتھوں سے کپتانی گنوانے لگے ان کی ناقص انفرادی کارکردگی اور کپتانی پر سوالات اٹھنے لگے۔
انگلینڈ سے ہوم سیریز میں پہلا ٹیسٹ ہارنے کے بعد سوشل میڈیا پر انجنکیا رہانے کو کپتان بنانے کا مطالبہ زور پکڑنے لگا۔
آسٹریلیا کے خلاف تاریخی فتح کے بعد رہانے کے حق میں آوازیں اٹھنے لگی تھیں لیکن بورڈ نے کوہلی پر بھرپور اعتماد کرتے ہوئے انہیں کپتان برقرار رکھا۔
ایک جانب کوہلی کی اپنی پرفارمنس مایوس کن ہے تو دوسری جانب ان کی کپتانی میں ٹیم خاطر خواہ کامیابیاں نہیں سمیٹ پا رہی۔
ویرات کوہلی کی سنچریوں کو بریک لگے 444 دن گزر گئے اور وہ 100 کے ہندسے کا جمود نہ توڑ سکے۔ گزشتہ سال بابراعظم نے سنچری بنانے والے بلے بازوں میں کوہلی کو پیچھے چھوڑا اور اب یاسر شاہ نے کوہلی کو ٹف ٹائم دے دیا ہے۔
Ajinkya Rahane beat Australia in Australia with net bowlers and T20 batsmen. Virat Kohli can't beat England in India with his top bowlers and batsmen. This is getting ridiculous. Kohli's Bangalore has finished last in IPL every time. Isn't that proof he's not captaincy material.
— Rakesh Krishnan Simha (@ByRakeshSimha) February 7, 2021
کوہلی نے گزشتہ 32 انٹرنیشنل اننگز میں ایک بھی سنچری اسکور نہیں کی جب کہ یاسر شاہ یہ کارنامہ انجام دے چکے۔
گزشتہ سال ایڈیلیڈ میں سخت حریف آسٹریلیا کے خلاف ٹیسٹ میں یاسر شاہ نے سنچری بنائی تھی جب کی کوہلی نے بنگلادیش کے خلاف سال کے آغاز پر آسان حریف بنگلادیش کے خلاف سنچری جڑی تھی۔
کوہلی کو آخری سنچری بنائے 444 دن گزر چکے اور وہ تاحال سنچری تک نہ پہنچ سکے، اس دوران 73 بلے بازوں جن میں یاسر شاہ بھی شامل ہیں وہ انٹرنیشنل میچ میں 100 کا ہندسہ عبور کر چکے۔
Virat Kohli such a Impactful player. Without him It took India 3 tests in Australia to go on top and create history but he joined and put us back to be a losing side in just one test. Incredible impact.
— EngiNerd. (@mainbhiengineer) February 9, 2021
دورہ آسٹریلیا کوہلی کے لیے بطور بیٹسمین اچھا ثابت نہیں ہوا اور رواں سال انگلینڈ کے خلاف ہوم سیریز کے پہلے ٹیسٹ میں بھی وہ ناکام رہے۔
انگلینڈ سے پہلی شکست کے بعد سوشل میڈیا پر انجنکیا رہانے کو کپتان بنانے کے لیے بھرپور مہم چلائی جارہی ہے۔ صارفین نے کوہلی سے سخت ناراضی کا اظہار کیا ہے اور کہا ہے کہ قیادت اب رہانے کو سونپ دی جائے۔
