بھارتی کرکٹر محمد شامی کو کھیلوں کا سب سے بڑا ملکی ایوارڈ ملنے پر ساتھ کرکٹر ویرات کوہلی نے اپنے ردعمل کا اظہار کیا ہے۔
آئی سی سی ورلڈکپ میں بھارت کے لیے بہترین پرفارمنس دینے والے پیسر کو صدر دروپدی مرمو کی جانب سے اسپورٹس ایوارڈز سے نوازا گیا، جس کے بعد معروف بیٹر ویرات کوہلی کی جانب سے محمد شامی کے لیے ایک نہایت محبت بھرا پیغام شیئر کیا گیا ہے۔
محمد شامی نے اپنے ایوارڈ لینے کی تصاویر سوشل میڈیا سائٹ پر شیئر کی تھی۔ اس پر ویرات نے کمنٹ کرتے ہوئے لکھا کہ ’مبارک ہو لالا‘ اور ساتھ ہی انھوں نے دل کی ایموجی بھی بنائی۔
How cricket fraternity reacted after Mohammed Shami was honoured by President Murmu at National Sports Awards#ViratKohli #ArjunaAward #MohammedShami #Shami #TeamIndia #Kohli pic.twitter.com/qO2JQ6kJhp
— Siddharth Thakur (@fvosid) January 9, 2024
اس کے علاوہ سابق بھارتی کرکٹر عرفان پٹھان اور ویریندر سہواگ سمیت متعدد شخصیات نے شامی کو یہ اعزاز حاصل کرنے پر مبارکباد دی۔ آئی پی ایل ٹیم گجرات ٹائٹینز کی جانب سے بھی ان پر فخر کا اظہار کیا گیا۔
واضح رہے کہ بھارتی صدر دروپدی مرمو نے محمد شامی کو ورلڈکپ 2023 میں غیر معمولی کارکردگی دکھانے اور ٹیم کو فائنل تک پہنچانے پر کھیل کے سب سے بڑے ’’ارجن ایوارڈ‘‘ سے نوازا ہے۔
اس پروقار ایوارڈ کو حاصل کرنے کے بعد محمد شامی نے جذباتی رد عمل ظاہر کیا، انھوں نے کہا کہ یہ ایک خواب تھا جو سچ ہوگیا ہے۔
محمد شامی کا کہنا تھا کہ لوگوں کی پوری عمر نکل جاتی ہے لیکن وہ اس ایوارڈ کو حاصل نہیں کر پاتے، مجھے خوشی ہے کہ مجھے ارجن ایوارڈ سے نوازا گیا۔