کلکتہ : اسپتال میں زیادتی کے بعد قتل ہونے ہونے والی ٹرینی ڈاکٹر نے مرنے سے کچھ گھنٹے قبل ڈائری میں کیا لکھا تھا؟ والد نے بیٹی کی آخری تحریر کے بارے میں بتایا۔
تفصیلات کے مطابق بھارت کے شہر کلکتہ کے اسپتال میں ٹرینی ڈاکٹر کے زیادتی کے بعد قتل کے واقعے کے بعد ملک گیر احتجاج جاری ہے۔
ایک ٹی وی چینل کو دیے گئے انٹرویو میں ٹرینی ڈاکٹر کے والد نے انکشاف کیا بیٹی نے نائٹ شفٹ پر جانے سے قبل اپنی ڈائری لکھی تھی، جس میں اس نے بتایا تھا کہ وہ زندگی میں کیا کرنا چاہتی ہے۔
والد نے بیٹی کی آخری تحریر کے بارے میں بتایا کہ اس نے ڈائری میں لکھا تھا کہ وہ ایم ڈی کورس کے امتحانات میں ٹاپ کر کے گولڈ میڈلسٹ بننا چاہتی ہے اور ساتھ اپنے میڈیکل کے شعبے میں ہمیشہ خدمات سرانجام دیتے رہنے کا ارادہ ظاہر کیا تھا۔
والد کا کہنا تھا کہ میری بیٹی بہت پڑھنے والی تھی، وہ اپنے خواب پورے کرنے کے لیے 10 سے 12 گھنٹے پڑھا کرتی تھی.
یاد رہے کلکتہ کے اسپتال زیر تربیت ٹرینی ڈاکٹر کو زیادتی کے بعد قتل کردیا گیا تھا، 31 سالہ لیڈی ڈاکٹر کی لاش کلکتہ کے آر جی کار میڈیکل کالج کے کمرے سے ملی تھی، پوسٹ مارٹم میں خاتون ڈاکٹر سے زیادتی کی تصدیق ہوئی ہے۔
