جمعہ, جون 21, 2024
اشتہار

کورنگی کاز وے پر کچرا پھینکے جانے پر وزیر اعلیٰ نے ایس ایچ او کو معطل کر دیا

اشتہار

حیرت انگیز

کراچی: کورنگی کاز وے پر کچرا پھینکے جانے پر وزیر اعلیٰ نے ایس ایچ او کو معطل کر دیا۔

تفصیلات کے مطابق ایس ایچ او کی کورنگی کاز وے پر کچرا ڈمپ کرنے کی اجازت دینے پر وزیر اعلیٰ سندھ مراد علی شاہ نے برہمی کا اظہار کیا اور کورنگی انڈسٹریل ایریا کے ایس ایچ او کی معطلی کا حکم دے دیا۔

وزیر اعلیٰ سندھ نے ایس ایس پی کو کورنگی کاز وے پر اپنا کیمپ آفس بنانے کی بھی ہدایت کی، اور کہا کہ کورنگی کاز وے پر کسی نے کچرا پھینکا تو ڈپٹی کمشنر اور ایس ایس پی کے خلاف کارروائی ہوگی۔

- Advertisement -

قبل ازیں، وزیر اعلیٰ سندھ نے میگا پروجیکٹ کا جائزہ لینے کے لیے کورنگی کاز وے کا دورہ کیا، مراد علی شاہ کو 6 رویہ کورنگی کاز وے پُل کی تعمیر سے متعلق بریفنگ دی گئی، وزیر اعلیٰ نے کام کی رفتار تیز کرنے کی ہدایت کی۔

واضح رہے کہ سندھ حکومت کورنگی کاز وے پر پل کی تعمیر کر رہی ہے، کاز وے منصوبے کا پی سی ون 4677.551 ملین روپے ہے، منصوبے کی تعمیری لاگت 6499.986 ملین روپے ہے، کورنگی کاز وے منصوبہ جولائی 2023 میں شروع کیا گیا تھا، اور یہ دو سال میں مکمل کیا جائے گا، کاز وے 2.30 کلو میٹر طویل ہے، اور اس پر ایک کلو میٹر کا پل تعمیر کیا جائے گا۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں