خیبر پختونخوا اسمبلی میں ارکان کو معہ اہل خانہ تاحیات بلیو پاسپورٹ جاری کرنے کی قرارداد منظور کر لی گئی۔
جمعرات کو اسمبلی اجلاس میں پی پی رکن احمد کریم کنڈی کی پیش کردہ قرارداد متفقہ طور پر منظور کی گئی۔ قرارداد میں ارکان اسمبلی کے اہلخانہ کو بھی تاحیات بلیو پاسپورٹ جاری کرنے کا مطالبہ کیا گیا ہے۔
ایوان میں کشمیری عوام سے یکجہتی کی قرارداد متفقہ طور پر منظور کی گئی۔ قرارداد میں اقوام متحدہ سے مقبوضہ کشمیر میں ریفرنڈم یقینی بنانے کا مطالبہ کیا گیا ہے۔
- Advertisement -
25 سمتبر کو تحریک انصاف کے رہنما اعظم سواتی نے کہا تھا کہ وہ بلیو پاسپورٹ پر افغانستان جانے کے خواہشمند ہیں۔
رواں سال 29 اپریل کو ملک کے ٹاپ ٹیکس دہندگان اور برآمد کنندگان کو بلیو پاسپورٹ کے اجرا کے لیے پاسپورٹ رولز 2021 میں ترامیم کی منظوری دی گئی۔
