کے پی حکومت نے تعلیمی اداروں میں جدید دور کے مطابق مضامین شامل کرنے کا فیصلہ کرلیا۔
اے آر وائی نیوز کے مطابق خیبرپختونخوا اسمبلی کے اجلاس میں وزیر تعلیم مینا آفریدی نے کہا کہ تعلیمی سلیبس کو جدید دور کے مطابق ترتیب دے رہے ہیں۔
انہوں نے کہا کہ گورنمنٹ کامرس کالج جمرود سے نئے مضامین پڑھانے کا آغاز کرچکے ہیں، جن مضامین یا ڈیپارٹمنٹ میں طلبا کی تعداد نہ ہونے کے برابر ہو انہیں ختم کیا جائے گا۔
اسپیکر بابر سلیم نے ہدایت کی کہ حکومت ملازمتوں کے حوالے سے واضح پالیسی بنائے، نوجوان پبلک سروس کمیشن کے لیے محنت کرتے ہیں پھر پالیسی تبدیل ہوجاتی ہے۔
اسپیکر نے توجہ دلاؤ نوٹس پر رولنگ دی کہ محکمے مسائل کے حل پر توجہ دیں مشکلات میں اضافہ نہ کریں۔
علاوہ ازیں جے یو آئی رہنما عدنان وزیر نے لیکچررز کی مختلف آسامیوں پر بھرتی کا عمل روکنے پر احتجاج کیا۔
