پشاور: وزیراعلٰی خیبر پختونخواہ کے مشیر ضیااللہ بنگش نے اپنے عہدے سے استعفیٰ دے دیا ہے۔
تفصیلات کے مطابق وزیراعلیٰ کے پی کے مشیر ضیااللہ بنگش اپنے عہدے سے مستعفی ہوگئے ہیں، انہوں نے سماجی رابطے کی ویب سائٹ ٹوئٹر پر اپنے آفیشل اکاؤنٹ سے مطلع کیا کہ اپنا استعفیٰ وزیراعلٰی خیبرپختونخوا کو ارسال کردیا ہے۔
ٹوئٹر پر جاری اپنے استعفے میں ضیااللہ بنگش کا کہنا تھا کہ میرے حلقے میں کچھ ناگزیر حالات نے مجھے یہ قدم اٹھانے پر مجبور کیا، میری بہت ساری ذمہ داریاں ہیں اور میں اپنے حلقے کے لوگوں کی توقعات پر قائم رہنا چاہتا ہوں اور اپنی پوری توجہ ان کے لئے مرکوز رکھنا چاہتا ہوں۔
\کامران بنگش نے ضیاء اللہ بنگش کا استعفیٰ وزیراعلیٰ کو موصول ہونے کی تصدیق کرتے ہوئے کہا کہ وزیراعلیٰ محمود خان اس حوالے سے جلد فیصلہ کریں گے،ضیاء اللہ بنگش کے پاس سائنس اور انفارمیشن ٹیکنالوجی کے محکمے تھے۔
Submitted my resignation from post of Advisor to CM KP. Some unavoidable circumstances in my constituency have forced me to take this step. I have a lot of responsibilities and I want to keep up to expectations of people of my constituency & reserve my entire attention for them. pic.twitter.com/YsEfdeRdIV
— Zia Ullah Bangash (@ZiaBangashPTI) April 17, 2021