مردان : خیبر پختونخوا کے ضلع مردان میں 21 سال سے کم عمر افراد کو ای سگریٹ اور ویپنگ ڈیوائسز کی فروخت پر پابندی عائد کردی۔

تفصیلات کے مطابق خیبر پختونخوا کے ضلع مردان میں اکیس سال سے کم عمر افراد پرای سگریٹ اور ویپنگ ڈیوائسز کی فروخت پر دفعہ ایک سوچوالیس نافذ کردی گئی۔

ڈپٹی کمشنرمردان نے بتایا تعلیمی اداروں کے پچاس میٹر کے دائرے میں ای سگریٹ اور ویپس کی فروخت پر بھی پابندی ہے۔

انھوں نے کہا کہ خلاف ورزی کرنے والوں کے خلاف دفعہ ایک سواٹھاسی کے تحت کارروائی کی جائے گی۔