بنوں: خیبرپختونخوا پولیس نے اہم کارروائی کرتے ہوئے صوبے کو دہشت گردی کے بڑے منصوبے سے بچا لیا۔
تفصیلات کے مطابق کے پی کے شہر بنوں میں پولیس نے تخریب کاری کا بڑا منصوبہ ناکام بنایا۔ پولیس نے لنک روڈ سے بارودی مواد سے بھری موٹرسائیکل برآمد کرلی۔
پولیس کا کہنا ہے کہ بم ڈسپوزل اسکواڈ (بی ڈی ایس) نے موٹر سائیکل میں نصب بارودی مواد کو ناکارہ بنا دیا، موٹر سائیکل میں 4کلوبارودی مواد اور پرائماکارڈ نصب کیے گئے تھے۔
- Advertisement -
متعلقہ اداروں نے واقعے سے متعلق تحقیقات کا آغاز کردیا ہے۔
گجرات میں تخریب کاری کا منصوبہ ناکام، 5 دہشت گرد ہلاک
پولیس کا کہنا ہے کہ جائے وقوعہ سے شواہد اکھٹے کرلیے اور تفتیش بھی شروع کردی ہے۔ یہ جاننے کی کوشش جاری ہے کہ موٹر سائیکل یہاں کس نے رکھی اور کیا مقاصد تھے۔
متعلقہ اداروں نے جلد ملزمان کی گرفتاریوں کا امکان ظاہر کیا ہے۔
