پشاور : محکمہ وائلڈ لائف خیبر پختونخوا نے ٹرانٹولا مکڑی کی اسمگلنگ ناکام بنادی اور ملزم کو گرفتار کرکے وائلڈ لائف بائیو ڈائیورسٹی ایکٹ کے تحت مقدمہ درج کرلیا۔

.تفصیلات کے مطابق پشاور میں محکمہ وائلڈ لائف خیبر پختونخوا نے کارروائی کرتے ہوئے ٹرانٹولا مکڑی کی اسمگلنگ میں ملوث ملزم کو گرفتار کرلیا۔

محکمہ وائلڈ لائف خیبرپختونخوا نے بتایا کہ ملزم کو مکڑی مانسہرہ سے ایبٹ آباد لے جاتے ہوئے گرفتار کیا گیا اور ملزم کے خلاف وائلڈ لائف بائیو ڈائیورسٹی ایکٹ کے تحت مقدمہ درج کرلیا ہے۔

محکمہ وائلڈ لائف کا کہنا تھا کہ ٹرنٹولا مکڑی کو بیرونی اسمگل کیا جاتا ہے ، اس طرح کی مکڑی کو مختلف ادویات سازی میں استعمال میں لایا جاتا ہے، ایک ٹرنٹولا مکڑی کی قیمت 50 ہزار سے دو لاکھ تک ہوتی ہے۔

وائلڈ لائف نے کہا کہ مکڑی کی سائز کی بنا پر اس کی قیمت لگاتے ہیں، جتنی بڑی سائز کی مکڑی ہوں اتنی زیادتی قیمت ان کو ملتی ہے۔

محکمہ وائلڈ لائف نے مزید بتایا کہ اس طرح کی مکڑیوں کی سمگل غیر قانونی ہے جو بھی ملوث ہوگا اس کے خلاف کارروائی عمل میں لائی جائے گی۔

یاد رہے ایک ہفتہ قبل بھی محکمہ وائلڈ لائف نے ٹرنٹولامکڑی مانسہرہ سے اسلام آباد سمگل کرتے ہوئے تین افراد کو گرفتار کیا تھا۔