The news is by your side.

Advertisement

پری مون سون بارشوں کے طوفانی اسپیل نے تباہی مچادی

اسلام آباد: پری مون سون بارشوں کے طوفانی اسپیل نے بلوچستان اور خیبرپختو نخوا کے کئی علاقوں میں تباہی مچادی ہے۔

تفصیلات کے مطابق بلوچستان میں پری مون سون بارشوں کےطوفانی اسپیل کے نتیجے میں کئی علاقوں میں سیلابی صورتحال پیدا ہوگئی ہے، کوہلو میں ندی نالےبپھر گئے، جس کے باعث کوہلو کوئٹہ قومی شاہراہ زیر آب آگئی۔

قومی شاہراہ زیر آب آنے کے باعث کوہلو کا کوئٹہ اور دیگر شہروں سے رابطہ منقطع ہوچکا ہے، ژوب میں بھی پری مون سون بارشوں کے باعث نشیبی علاقے زیر آب آگئے، ڈیرہ بگٹی میں بارش کے باعث خستہ حال مکان کی چھت گرنے سے تین افراد زخمی ہوئے۔

یہ بھی پڑھیں: 7 انچ تک برفباری، بابوسر ٹاپ پر درجۂ حرارت نقطۂ انجماد سے نیچے گر گیا

خیبرپختوانخوا میں بھی پری مون سون بارشوں کےطوفانی اسپیل نے نظام زندگی درہم برہم کردیا ہے، کئی علاقوں میں سیلابی ریلے رابطہ سڑکیں بہالے گئے، جبکہ متعدمکانات تباہ اور بجلی کی فراہمی بھی معطل ہوچکی ہے۔

ادھر محکمہ موسمیات نے آج بھی پنجاب کے کئی شہروں میں تیز بارش کی پیش گوئی کی ہے، کراچی والوں کے لئے اچھی خبر ہے کہ شہر میں بادلوں کا ڈیرہ ہے جس کے باعث موسم خوشگوار ہے ساتھ ہی محکمہ موسمیات نے آج ہلکی بارش کی نوید بھی سنارکھی ہے۔

Comments

یہ بھی پڑھیں