پشاور: صوبہ خیبر پختون خوا میں ڈینگی کا مرض قابو میں نہ آسکا، پشاور میں ڈینگی سے متاثرہ ایک اور شخص انتقال کرگیا۔
تفصیلات کے مطابق خیبر پختون خوا میں ڈینگی مچھر مسلسل عوام کو نشانہ بنارہا ہے، ہزاروں لوگ اب تک اس مرض میں مبتلا ہوچکے ہیں جن میں سے بیشتر کو علاج کے بعد گھروں کو بھیجا جاچکا ہے تاہم اس مرض میں ہلاکتیں مسلسل بڑھ رہی ہیں۔
اسی سے متعلق: کے پی کے: ڈینگی سے جاں بحق افراد کی تعداد 31 ہوگئی
ڈینگی رسپانس یونٹ کے مطابق آج پشاور میں ایک اور مریض ڈینگی کا شکار ہو کر جاں بحق ہوگیا جس کے بعد ڈینگی مرض میں جاں بحق ہونے والے افراد کی تعداد 45 ہوگئی۔
ڈینگی رسپانس یونٹ کے مطابق اسپتالوں میں اس بھی 391 افراد زیرعلاج ہیں جب کہ سیکڑوں افراد صحت یاب ہوکر گھروں کو بھی روانہ ہوچکے ہیں۔
واضح رہے کہ کے پی کے میں ڈینگی بخار بری طرح پھیل چکا ہے، صوبائی حکومت کے مطابق ڈینگی کے خلاف اسپرے سمیت دیگر اقدامات اٹھائے جارہے ہیں۔
