The news is by your side.

Advertisement

خیبرپختونخوا پولیس کا خواجہ سراؤں کے تحفظ کے لیے بڑا اقدام

پشاور: صوبہ خیبر پختونخوا میں خواجہ سراؤں کے تحفظ کے لیے ایس او پیز تیار کرنے کا فیصلہ کر لیا۔

تفصیلات کے مطابق آئی جی خیبرپختونخوا ثنا اللہ عباسی نے کہا کہ خواجہ سراؤں کے لیے صوبے کے تھانہ جات میں خصوصی ڈیسک قائم کیا جائے گا۔

آئی جی خیبرپختونخوا نے کہا کہ اے ایس پی رینک کا افسر فوکل پرسن ہوگا،پولیس تربیتی مرکز میں بھی خواجہ سرا حقوق سیشن شامل کرنے کی منظوری دی گئی ہے۔

خیال رہے کہ گزشتہ روز صوابی کے 19 سالہ خواجہ سرا کو اس کے بھائی نے ناچ گانے سے روکنے پر فائرنگ کر کے قتل کر دیا تھا۔

یاد رہے کہ 9 ستمبر کو خیبرپختونخوا کے دارالحکومت پشاور میں فائرنگ کر کے گل پانڑہ نامی خواجہ سرا کو قتل جبکہ چاہت کو زخمی کر دیا گیا تھا۔

صدر خیبر پختونخوا خواجہ سرا ایسوسی ایشن فرزانہ الیاس کا کہنا تھا کہ پچھلے پانچ سال میں 1500 خواجہ سراؤں سے زیادتی کی گئی اور 68 کو قتل کر دیا گیا۔

Comments

یہ بھی پڑھیں