پشاور: صوبہ خیبر پختونخوا کے 4 سابق وزرائے اعلیٰ سے پرائیویٹ سیکریٹریز واپس لے لیے گئے۔
تفصیلات کے مطابق خیبر پختونخوا میں سابق وزرائے اعلیٰ سے تاحیات مراعات واپس لینے کے فیصلے پر عمل درآمد شروع کر دیا گیا، اس سلسلے میں چار سابق وزرائے اعلیٰ سے پرائیویٹ سیکریٹریز واپس لے لیے گئے ہیں۔
پرویز خٹک، امیر حیدر ہوتی، سردار مہتاب اور پیر صابر شاہ سے پی ایس واپس لیے گئے ہیں، یاد رہے کہ کے پی کابینہ نے اپنے پہلے اجلاس میں سابق وزرائے اعلیٰ کی مراعات واپس لینے کا فیصلہ کیا تھا۔
خیبر پختونخوا کے کابینہ اجلاس میں سابق وزرائے اعلیٰ سے تمام سہولیات، گارڈز اور سرکاری گاڑیاں واپس لینے کا فیصلہ ہوا تھا۔
