The news is by your side.

Advertisement

ویرات کوہلی کو کشمیر پریمیئر لیگ میں شرکت کی دعوت

مظفرآباد: کشمیر پریمیئر لیگ (کے پی ایل) کے صدر عارف ملک نے بھارتی ٹیم کے سابق کپتان ویرات کوہلی کو ایونٹ میں شامل کرنے کی دعوت دے دی۔

اے اسپورٹس کے مطابق کشمیر پریمیئر لیگ کے صدر عارف ملک نے اپنے ویڈیو پیغام میں کہا کہ بھارتی ٹیم کے سابق کپتان ویرات کوہلی کو کشمیر پریمیئر لیگ میں شرکت کرنے کے لیے دعوت نامہ ارسال کیا جائے گا۔

انہوں ںے کہا کہ ہم امن کے پیغام کے لیے کوہلی کو خط لکھ رہے ہیں کہ وہ ایک میچ ہمارے پاس آکر کھیلے یا کم سے کم ایک میچ ہمارے پاس آکر دیکھیں۔

عارف ملک نے کہا کہ کشمیر پریمیئر لیگ کی کسی سے جنگ نہیں بلکہ ہم امن کا پیغام دے رہے ہیں۔

صدر کے پی ایل عارف ملک کا کہنا تھا کہ کشمیر پریمیئر لیگ کی تیاریاں زور و شور سے جاری ہیں، پہلے سیزن کی طرح مظفرآباد اسٹیڈیم میں ہی دوسرا سیزن بھی منعقد ہوگا، کشمیر پریمیئر لیگ سیزن ٹو کا یکم اگست سے باقاعدہ آغاز کرنے جارہے ہیں، 14 اگست کو جب پاکستان کا 75 واں جشن آزادی منایا جائے تب فائنل ہوگا جو تاریخی ہوگا۔

انہوں نے بتایا کہ کشمیر پریمیئر لیگ کا اگلا ایڈیشن یکم اگست سے 14 اگست تک کھیلا جائے گا۔

Comments

یہ بھی پڑھیں