کراچی پولیس آفس (کے پی او) پر حملے سے متعلق تفتیش جاری ہے جس میں انکشاف ہوا ہے کہ حملے کے وقت اطراف میں قائم 3 پولیس چوکیاں خالی تھیں وہاں کوئی اہلکار موجود نہیں تھا۔
ذرائع کے مطابق دہشت گرد پولیس لائنز سے اندر داخل ہوئے، دہشت گرد کے پی او میں عقبی دیوار کود کر آئے، پولیس لائنز کوارٹرز کے داخلی و خارجی راستے پر سیکیورٹی انتظامات نہیں تھے۔
ذرائع کا کہنا ہے کہ پولیس لائنز کے 150 کوارٹر ز میں اہلکاروں کے اہلخانہ رہائش پذیر ہیں، لیکن پولیس لائنز کوارٹرز میں کہی بھی سی سی ٹی وی کیمرہ نصب نہیں ہے۔
کراچی پولیس چیف کے دفتر پر حملہ، 2 دہشت گرد ہلاک
ذرائع نے بتایا کہ حملےکے بعد بھی تا حال اطراف چوکیوں میں اہلکار تعینات نہیں کیے گئے۔
واضح رہے کہ گزشتہ روز کراچی کے علاقے شارع فیصل پر واقع کراچی پولیس آفس (کے پی او) پر دہشتگروں کے حملے میں دو پولیس اہلکاروں اور رینجرز اہلکار سمیت 4 افراد شہید ہوگئے جبکہ پولیس اور قانون نافذ کرنے والے اداروں کی جوابی کارروائی میں دہشتگرد مارے گئے اور عمارت کو تقریباً 4 گھنٹے بعد کلیئر کرالیا گیا۔
