کراچی : کراچی پولیس آفس حملے کے سہولت کاروں کی تلاش جاری ہے ، سی ٹی ڈی نے افغان بستی میں کارروائی کرتے ہوئے 3 مشکوک افراد کو گرفتار کرلیا۔
تفصیلات کے مطابق سی ٹی ڈی نے کراچی پولیس آفس حملے کے سہولت کاروں کی تلاش کیلئے افغان بستی میں کارروائی کی۔
کارروائی میں 3 مشکوک افراد کو زیر حراست لے کر نامعلوم پرمنتقل کردیا گیا ہے۔
ذرائع سی ٹی ڈی نے بتایا کہ کارروائی خفیہ اطلاع پر مخصوص مکان میں کی گئی ، زیر حراست افراد سے موبائل فون کی سمز بھی برآمد ہوئی ہے۔
گذشتہ روز سی ٹی ڈی نے کراچی کے علاقے گلستان جوہر میں کارروائی کرتے ہوئے حملے میں ملوث دہشت گردوں کا ایک سہولت کار کو حراست میں لیا تھا۔
اس سے قبل ذرائع نے بتایا تھا کہ سی ٹی ڈی نے مختلف کارروائیوں میں 7افراد زیر کو حراست میں لیا تھا، بعد ازاں کچی آبادی سےحراست میں لیے گئے افراد نامعلوم مقام پر منتقل کردیا گیا۔
