کراچی: کے پی ٹی نے پاکستان انٹرنیشنل کنٹینر ٹرمنل کا کنٹرول سنبھال لیا۔
تفصیلات کے مطابق کراچی پورٹ ٹرسٹ نے پاکستان انٹرنیشنل کنٹینر ٹرمنل کا کنٹرول سنبھال لیا، پورٹ سیکیورٹی فورس نے پی آئی سی ٹی پر ذمہ داریاں سنبھال لیں۔
پی آئی سی ٹی کا 21 سال معاہدہ 17 جون کو ختم ہو گیا ہے، بورڈ ممبر نے بتایا کہ کراچی پورٹ ٹرسٹ نے 13 روز کے لیے پی آئی سی ٹی کے انتظامی امور سنبھالے ہیں۔
- Advertisement -
واضح رہے کہ پی آئی سی ٹی کے معاملے پر اتوار کے روز اہم بورڈ میٹنگ طلب کی گئی تھی، بورڈ اجلاس میں چیئرمین کراچی پورٹ ٹرسٹ سمیت تمام ممبرز شریک ہوئے، ابوظبی کے گروپ نے پی آئی سی ٹی ٹیک اوور کرنے میں دل چسپی ظاہر کی ہے۔
