ممبئی: بالی وڈ کی معروف اداکارہ کریتی سینن اور ساؤتھ انڈین سپر اسٹار پربھاس اگلے ہفتے منگنی کرنے والے ہیں۔
یہ دعویٰ بھارتی فلم ناقد عمیر سندھو کی جانب سے کیا جا رہا ہے جو اکثر بالی وڈ فنکاروں سے متعلق ایسی خبریں دینے کے لیے مشہور ہیں۔
عمیر سندھو نے اپنے حالیہ ٹوئٹ میں بریکنگ نیوز دی کہ کریتی سینن اور پربھاس اگلے ہفتے مالدیپ میں منگنی کریں گے اور میں اس کے لیے بہت خوش ہوں۔
متعلقہ: کریتی سینن کو ’شہزادہ‘ مل گیا؟
BREAKING NEWS: #KritiSanon & #Prabhas will get engaged next week in Maldives 🇲🇻!! So Happy for them.
— Umair Sandhu (@UmairSandu) February 5, 2023
پہلے بھی کریتی سینن اور پربھاس کے بارے میں اس طرح کی خبریں سامنے آئیں لیکن دونوں کی جانب سے تردید کی گئی۔
کریتی سینن نے انسٹاگرام اسٹوری کے ذریعے بتایا تھا کہ ان کے اور پربھاس کے درمیان ایسا کچھ نہیں اور دونوں ایک دوسرے کو ڈیٹ نہیں کر رہے۔
فلمی ناقد کے دعویٰ پر اکثر ٹوئٹر صارفین یقین نہیں کر رہے۔ ایک نے عمیر سندھو کو مخاطب کرتے ہوئے کہا کہ ’اس بارے میں تو انہیں خود بھی معلوم نہیں ہوگا۔‘
Thanks for the update. Also heard that you have got the food catering contract.
Biryani should become the highlight. Take care. Lots of love. @kritisanon @PrabhasRaju @TrendsPrabhas #Prabhas
— Green Mirchi (@greenmirchi9) February 5, 2023
