بھارت کے معروف کامیڈین کرشنا ابھیشیک نے اپنے ماموں اور بالی ووڈ اداکار گوندا کی طلاق کی خبروں پر ردعمل کا اظہار کیا ہے۔
بھارتی ذرائع ابلاغ سے گفتگو کرتے ہوئے دی کپل شرما شو کے کامیڈین کرشنا ابھیشیک نے گوندا اور سنیتا آہوجا کی طلاق کی افواہوں کا جواب دیتے ہوئے کہا کہ یہ ممکن نہیں ہے، وہ کبھی بھی ایک دوسرے سے طلاق نہیں لیں گے۔
گوندا کی بھانجی اور کرشنا کی بہن آرتی سنگھ نے کہا کہ یہ ساری افواہیں بے بنیاد ہیں اور ان خبروں میں کوئی سچائی نہیں ہے۔
آرتی سنگھ کا کہنا تھا کہ میں اس وقت ممبئی میں نہیں ہوں اس لیے میں فیملی میں کسی سے رابطے میں نہیں ہوں لیکن میں یہ آپ کو بتا رہی ہوں کہ یہ جھوٹی خبر ہے کیوں کہ ان دونوں کے درمیان بونڈنگ بہت مضبطو ہے۔
طلاق کی قیاس آرائیوں کے بعد انڈین میڈیا نے گووندا سے رابطہ کیا تو انھوں نے ردعمل میں کہا کہ ’ہمارے درمیان صرف کاروبار سے متعلق بات چیت ہو رہی ہے، میں اپنی فلمیں زندگی کو دوبارہ شروع کرنے کی تیاری کر رہا ہوں‘۔
گووندا کے مینجر ششی سنہا نے انڈین میڈیا کو بتایا کہ ’فیملی کے کچھ افراد کے بیانات کی وجہ سے جوڑے کے درمیان مسائل پیدا ہوگئے ہیں، اس میں مزید کچھ نہیں۔
سنیتا آہوجا سے طلاق کی خبریں، گووندا نے بالآخر خاموشی توڑ دی
