پاکستان شوبز انڈسٹری کی معروف اداکارہ کبریٰ خان کی مکہ مکرمہ میں رخصتی کی ویڈیو سوشل میڈیا پر وائرل ہوگئی۔
پاکستانی شوبز انڈسٹری کی معروف اداکارہ کبریٰ خان اور گوہر رشید کا حال ہی مکہ مکرمہ میں نکاح ہوا ہے، تاہم اب مکہ سے ہی رخصتی کی ویڈیو سامنے آئی ہے۔
کبریٰ خان اور گوہر رشید کی شادی کا آغاز مختلف ایونٹ سے ہوا، معروف جوڑے کیلئے پاکستان شوبز انڈسٹری کی دوستوں کی جانب سے نکاح سے پہلے ڈھولکی، گیم نائٹ اور پری ویڈنگ پکنک پارٹی کا اہتمام کیا گیا۔
View this post on Instagram
پکنک منانے کے بعد اسٹار جوڑی نے 12 فروری کو مکّہ مکرمہ میں نکاح کیا جس کا اعلان اداکارہ نے 14 فروری کی شب کیا ساتھ ہی انہوں نے دو اسپیشل تصاویر فینز کے ساتھ شیئر کیں۔
16 فروری کو اداکارہ کبریٰ خان نے مکہ مکرمہ میں نکاح کے یادگار دن کی ایک ویڈیو شیئر کی جس میں دونوں کو خانہ کعبہ کے بیرونی احاطے میں قریبی لوگوں کے ساتھ دیکھا گیا۔
میڈیا رپورٹس کے مطابق اب مکہ مکرمہ میں کبریٰ خان اور گوہر رشید کی مکہ مکرمہ میں ہونے والی خوبصورت رخصتی کی ویڈیو سامنے آئی ہے۔
View this post on Instagram
میڈیا رپورٹس کے مطابق مکہ مکرمہ میں نکاح کے بعد کبریٰ خان اور گوہر رشید نے نکاح کے عشائیے کا اہتمام کیا گیا، جس کے بعد اہل خانہ اور دوستوں کی موجودگی میں رخصتی ہوئی۔
اس موقعے پر اداکارہ کبریٰ خان اپنی نئی زندگی کی طرف بڑھتے ہوئے گلابی رنگ کے جوڑے کا انتخاب کیا جس میں وہ بے حد خوبصورت لگ رہی تھیں۔
