شوبز انڈسٹری کی معروف اداکارہ کبریٰ خان نے مداحوں کے نام ویڈیو پیغام شیئر کردیا۔
اے آر وائی ڈیجیٹل اپنے ناظرین کے لیے ایک اور نیا ڈرامہ ’نور جہاں‘ بہت جلد پیش کرے گا جس کی کاسٹ میں کبریٰ خان، علی رحمان، حاجرہ یامین، زویا ناصر، صبا حمید، نور حسن ودیگر شامل ہیں۔
ڈرامے کی ہدایت کاری کے فرائض مصدق ملک نے انجام دیے ہیں جبکہ اس کی کہانی زنجابیل عاصم نے لکھی ہے۔
- Advertisement -
نور جہاں کی پہلی قسط نشر ہونے سے قبل کبریٰ خان نے مداحوں کے نام پیغام میں کہا کہ ’میرا نیا ڈرامہ بہت جلد اے آر وائی ڈیجیٹل پر دیکھیں۔‘
ڈرامے کے 3 ٹیزر ریلیز کیے جاچکے ہیں جسے یوٹیوب پر بھرپور پذیرائی مل رہی ہے۔
نور جہاں کے ٹیزر کو یوٹیوب پر ہزاروں کی تعداد میں ویوز حاصل ہوچکے ہیں اور ناظرین اس کی پہلی قسط کے بے تابی سے منتظر ہیں۔
