The news is by your side.

Advertisement

”سوشل میڈیا دماغی صحت کے مسائل کا ذمہ دار ہے“

پاکستان کی معروف اداکارہ کبریٰ خان نے دماغی صحت کے مسائل کی بڑی وجہ سوشل میڈیا کو قرار دے دیا ہے۔

خوبرو اداکارہ کبریٰ خان نے اپنے اداکاری کیرئیر کا آغاز فلم ”نامعلوم افراد“ سے کیا اور اس کے بعد انہوں نے ڈراموں میں بھی لاجواب اداکاری کی۔ آج کل وہ اے آر وائی ڈیجیٹل پر نشر ہونے والے ڈرامے ”صنف آہن“ میں نظر آ رہی ہیں۔

حال ہی میں دیے گئے انٹرویو میں کبریٰ خان نے سوشل میڈیا کے بارے میں اپنے خیالات کا اظہار کیا۔ اداکارہ نے اس کے فوائد اور نقصانات کے بارے میں بات کی۔

 

View this post on Instagram

 

A post shared by Kübra Khan (@thekubism)

کبریٰ خان نے کہا کہ سوشل میڈیا یقینی طور پر ایک لعنت ہے کیوں کہ آج کل لوگ ڈپریشن، پریشانی اور گھبراہٹ کا شکار ہیں اور میں ذاتی طور پر سمجھتی ہوں کہ اس میں سوشل میڈیا کا اہم کردار ہے۔

انہوں نے کہا کہ یہ صرف اداکاروں تک محدود نہیں بلکہ عام لوگ بھی اس کا شکار ہیں، لوگ دوسروں کے پاس مہنگی چیزیں اور ان کا پُرتعیش طرز زندگی دیکھ کر ڈپریشن کا شکار ہو جاتے ہیں۔

 

View this post on Instagram

 

A post shared by Kübra Khan (@thekubism)

کبریٰ خان نے کہا کہ نقصانات کے علاوہ سوشل میڈیا کے اپنے فوائد بھی ہیں، سوشل میڈیا کے ذریعے اداکاروں کو کسی بھی پروجیکٹ کے بعد پذیرائی اور فوری ردِ عمل ملتا ہے۔

Comments

یہ بھی پڑھیں