تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

عالمی عدالت کلبھوشن یادیو کیس کا فیصلہ 17 جولائی کو سنائے گی

اسلام آباد: عالمی عدالت  انصاف کلبھوشن یادیو کیس کا محفوظ فیصلہ 17  جولائی  کو  سنائے گی.

تفصیلات کے مطابق بھارتی دہشت گرد کلبھوشن یادیو کے کیس کا فیصلہ نیدرلینڈزکے وقت کے مطابق دن 3 بجے سنایا جائے گا۔

حکومتی ذرائع کے مطابق عالمی عدالت میں  یہ کیس بہت اچھی طرح لڑا  گیا، امید ہے پاکستان کی اس میدان میں‌ فتح ہوگی.

خیال رہے کہ 5 مارچ 2019 کو وزیرِ اعظم عمران خان کو عالمی عدالتِ انصاف میں بھارتی جاسوس کلبھوشن یادیو کیس کی کام یاب پیروی کے سلسلے میں بریفنگ دی گئی تھی.

اٹارنی جنرل پاکستان انور منصور نے وزیرِ اعظم کو بریفنگ دی اور عالمی عدالت انصاف میں کلبھوشن کیس کی پیروی کی تفصیلات سے آگاہ کیا۔

یاد رہے کہ 21 فروری کو ہیگ میں عالمی عدالت انصاف میں کلبھوشن یادیو کیس کی سماعت مکمل ہو ئی تھی، پاکستانی وکلا کی جانب سے مزید دلائل دیے جانے کے بعد عدالت نے کیس کا فیصلہ محفوظ کر لیا۔

اٹارنی جنرل انور منصور نے عالمی عدالت میں بھارت کی جانب سے پاکستان کے عدالتی نظام پر تنقید کا جواب دیا، انھوں نے پاکستان کے ملٹری کورٹس اور سول عدالتوں کے متعدد فیصلوں کے حوالے دیے۔

Comments

- Advertisement -