منگل, فروری 18, 2025
اشتہار

پاکستان میں دہشت گردی کرنے والا بھارت، عالمی عدالت انصاف کے کٹہرے میں

اشتہار

حیرت انگیز

اسلام آباد:‌ پاکستان میں دہشت گرد کارروائیاں کرنے والا بھارت اب عالمی عدالت انصاف میں اپنے بزدلانہ اقدام کا دفاع کرے گا.

تفصیلات کے مطابق دوسروں پر دہشت گردی کے الزامات عائد کرنے والے بھارت کو اپنے جاسوس کلبھوشن یادیو کے جرائم کے لیے عالمی عدالت میں جواب دینا ہوگا.

بھارتی دہشت گرد کمانڈر کلبھوشن یادیو کی کارروائیوں پربھارت پیرکوجواب دے گا، کلبھوشن کے خلاف ثبوتوں پر پاکستان 19 فروری کو بحث کرے گا.

یاد رہے کہ 14 فروری 2019 کو عالمی عدالت میں کلبھوشن یادیو کیس کی پیروی کے لیے پاکستانی وفد ہیگ روانہ ہوا تھا.

کلبھوشن کیس میں 18 فروری کو بھارت دلائل کا آغاز کرے گا، پاکستان 19 فروری کو اپنے دلائل پیش کرے گا، 20 فروری کو بھارتی وکلا پاکستانی دلائل پر بحث کریں گے، 21 فروری کو پاکستانی وکلا بھارتی دلائل پرجواب دیں گے.

مزید پڑھیں:کلبھوشن یادیو کیس: عالمی عدالت میں کیس کی پیروی کے لیے پاکستانی وفد آج ہیگ روانہ ہوگا

سفارتی ذرائع کے مطابق ، کلبھوشن یادیو کی ریٹائرمنٹ کے بھارت نے ثبوت فراہم نہیں کیے، بھارت نے مبارک حسین پٹیل کےنام سے پاسپورٹ پرتسلی بخش جواب نہیں دیا، مبارک حسین پٹیل کے نام سے 17 بار کلبھوشن یادیو نےدہلی کا دورہ کیا.

پاکستان عالمی عدالت کے ممکنہ فیصلے سے پرامید ہے، پاکستان عالمی عدالت کے فیصلے کا احترام کرے گا.

عالمی عدالت سماعت مکمل ہونےکےبعد فیصلہ 3 سے 4 ماہ تک سنائے گی، دونوں ممالک کے شواہدعالمی عدالت میں جمع کرائے جا چکے ہیں، کلبھوشن کیس میں مزید دستاویزعالمی عدالت میں جمع نہیں کرائے جا سکتے.

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں