بھارت میں اتر پردیش کے پریاگ راج میں ہونے والے کمبھ میلے میں بڑے پیمانے پر لگنے والی آگ نے مچادی۔
بین الاقوامی خبر رساں ادارے کی رپورٹ کے مطابق حادثہ 2 گیس سلنڈروں کے پھٹنے سے پیش آیا۔ دو گیس سلنڈرز کے پھٹنے کے بعد آگ دوسرے خیموں تک پھیل بھی پھیل گئی، جس کے سبب بھگدڑ مچ گئی۔
بھارتی میڈیا رپورٹس کے مطابق فائر بریگیڈ کے عملے نے بروقت کارروائی کرتے ہوئے آگ پر قابو پالیا، آتشزدگی کا یہ واقعہ مہا کمبھ میلے کے سیکٹر 19 میں پیش آیا جہاں ایک خیمے میں دو گیس سلنڈرز پھٹ پڑے اور آگ دوسرے خیموں تک پھیل گئی۔
پولیس کے مطابق قریبی خیموں میں موجود لوگوں کو محفوظ مقامات پر منتقل کردیا گیا ہے، واقعہ جانی نقصان کی اطلاع موصول نہیں ہوئی۔
خیموں میں آتشزدگی کے باعث آئے ہوئے لوگوں کا سامان اور متعدد خیمے جل گئے، نقصان کا تخمینہ لگانے کے لیے سروے جاری ہے اور آگ لگنے کی وجہ جاننے کے لیے تحقیقات شروع کردی گئی ہیں۔
واضح رہے کہ بھارت میں دریائے گنگا، جمنا اور قدیم سرسوتی کے سنگم پر واقع الہٰ آباد میں کمبھ میلے کا آغاز ہوچکا ہے،اس میلے کو ہندوؤں کا سب سے بڑا اجتماع کہا جاتا ہے۔
ہندو عقائد کے مطابق ہندو گنگا جمنا سروستی دریاؤں کے سنگم پر ڈبکی لگا کر اپنے گناہ معاف کراتے ہیں۔
رپورٹس کے مطابق امکان ظاہر کیا جارہا ہے کہ اس میلے میں تقریباً 40 کروڑ افراد شرکت کریں گے، اسے دنیا کے بڑے مذہبی اجتماعات میں سے ایک مانا جاتا ہے۔
بھارتی میڈیا کے مطابق اس ضمن میں 12 سال بعد منعقد ہونے والے کمبھ کے میلے کو 4 ہزار ہیکٹر پر سجایا گیا ہے، اس کا سلسلہ اگلے ماہ 26 فروری تک جاری رہے گا۔
حماس کی جانب سے رہا کی گئی اسرائیلی خواتین کی اہلخانہ سے ملاقات کی ویڈیو
کمبھ کے میلے کے حوالے سے امید ظاہر کی جا رہی ہے کہ اس سے ریاست اتر پردیش کو 2 لاکھ کروڑ روپے کی آمدنی کا امکان ہے۔
