ترکیہ میں کردوں کی سب سے بڑی عسکریت پسند تنظیم کردستان ورکرز پارٹی نے تنظیم اور مسلح جدوجہد ختم کرنے اعلان کردیا۔
میڈیا رپورٹ کے مطابق اس بات کا اعلان تنظیم کی بارہویں کانگریس میں کیا گیا، پی کےکے نے عبداللہ عسقلان کی ہدایت پر غیر مسلح ہونے اور خود کو تحلیل کرنے کا اعلان کیا ہے۔
کردستان ورکرز پارٹی کا کہنا ہے ہم ہتھیار ڈال رہے ہیں، آج کے بعد کوئی مسلح جدوجہد نہیں کی جائے گی۔
دوسری جانب ترکیے کی حکمراں جماعت اردوآن کی اے کے پارٹی نے پی پی کے اعلان کا خیر مقدم کیا ہے، اےکے پارٹی کے ترجمان عمر سیلک نے اسے دہشت گردی سے پاک ترکیے کی جانب ایک اہم قدم قرار دیا ہے۔
کرد رہنما عبداللہ عسقلان نے 27 فروری کو حکومت کیخلاف مسلح جدوجہد ختم کرنے اور ساتھیوں کو ہتھیار پھینکنے کی ہدایت کی تھی۔
ترکی، امریکا اور یورپی یونین کی طرف سے دہشت گرد گروپ قرار دیے جانے والے پی کے کے نے 1984 سے بغاوت شروع کر رکھی تھی، جس کا مقصد کردوں کے لیے ایک وطن بنانا تھا، جو ترکی کے ساڑھے 8 کروڑ افراد میں سے تقریباً 20 فیصد ہیں۔
