کرم: خیبرپختونخوا کے ضلع اپر کرم میں دو قبائل کے درمیان تصادم کے نتیجے میں 11 افراد جاں بحق اور 6 زخمی ہوگئے۔
تفصیلات کے مطابق خیبرپختونخوا کے ضلع کرم میں دو قبائل کے درمیان تصادم ہوا، اس دوران فائرنگ سے گیارہ افراد جاں بحق اور6 زخمی ہوگئے۔
ڈپٹی کمشنر نے بتایا کہ فائرنگ کا واقعہ کنج علی زئی کے علاقے میں پیش آیا ہے، دو گروپوں کے درمیان فائرنگ سے جاں بحق اور زخمیوں میں بچے اور خواتین بھی شامل ہیں۔
- Advertisement -
واقعے کی اطلاع ملنے پر علاقے میں پولیس، سکیورٹی فورسز کی نفری پہنچ گئی، پولیس نے زخمیوں کو مختلف اسپتالوں میں منتقل کردیا جبکہ واقعے کی تحقیقات کی جارہی ہیں۔
سابق ایم این اے جرگہ ممبر پیر حیدرعلی نے کہا کہ جرگہ ممبران قبائل کےدرمیان امن معاہدےکیلئےموجودہیں، کرم میں بدامنی کےواقعات افسوسناک ہیں۔
