کویت سٹی : ملک میں کورونا ویکسین کی آمد سے متعلق کویتی عوام کو خوشخبری مل گئی، مصدقہ ذرائع کا کہنا ہے کہ کورونا ویکسین دس روز تک آجائے گی۔
اس حوالے سے کویتی ذرائع ابلاغ میں کہا گیا ہے کہ وزارت صحت نے گزشتہ روز کورونا وائرس سے بچاؤ کیلئے امریکی کمپنی فائزر اور بائیو این ٹیک کی تیار کردہ ویکسین کے استعمال کرنے کے لائسنس کا اعلان کیا ہے۔
اس حوالے سے ایک اخبار کے مصدقہ ذرائع نے انکشاف کیا ہے کہ کورونا ویکسین کو ملک میں آنے میں صرف دس دن اور لگیں گے اور اس بات کا قوی امکان ہے کہ رواں ماہ دسمبر کے آخری ہفتے تک ویکیسین پہنچ جائے گی۔
ذرائع کا مزید کہنا ہے کہ وزارت صحت ویکسین کی آمد پر حفاظتی ٹیکوں کے مراکز کو لیس کرنے اور اس کو ذخیرہ کرنے کے محفوظ کرنے کے طریقہ کار کو مکمل کرنے پر بھرپور طریقے سے کام کررہی ہے۔
طبی ماہرین کا کہنا ہے کہ کورونا ویکسینیشن کے یقیناً کچھ مضر اثرات بھی مرتب ہوں گے تاہم کسی بھی ویکسین میں ایسے تضادات پائے جاتے ہیں جو دوسروں سے مختلف ہوتے ہیں۔
ذرائع کا مزید کہنا ہے کہ اس سلسلے میں مختلف ڈاکٹروں اور مشیروں کا کہنا ہے کہ کورونا ویکیسینیشن کروانے میں کچھ بنیادی رکاوٹوں کا تعلق ادویات کے استعمال اور کھانے پینے کی اشیاء کی حساسیت سے ہے۔
واضح رہے کہ کویت میں کورونا وائرس سے اموات کی تعداد میں کمی آئی ہے، انڈیکس رپورٹ میں بتایا گیا ہے کہ گزشتہ تین روز میں کیسوں میں دوسری بار ریکارڈ کمی دیکھی گئی جو پچھلے سات ماہ کی سب سے کم ترین سطح ہے۔
