کویتی فورسز نے ایک ملزم کو کالعدم تنظیم کے لیے دعوت دینے اور سعودی عرب میں دہشت گردی کی منصوبہ بندی کرنے پر حراست میں لے لیا۔
غیر ملکی خبر رساں ادارے سبق نیوز کے مطابق پراسیکیوشن نے بتایا کہ گرفتار کئے گئے کویتی شہری نے کالعدم تنظیم کا مواد سوشل میڈیا پر اپ لوڈ کیا جو ملکی مفادات کی خلاف ورزی تھی۔
تحقیقات میں اس بات کا انکشاف ہوا ہے کہ مذکورہ شخص نے اپنی تنظیم کے دیگر ارکان کے ساتھ مل کر سعودی عرب میں دہشتگردی کی منصوبہ بندی مرتب کی تھی۔
پراسیکیوشن کے مطابق مذکورہ شخص نے کالعدم تنظیم کا مواد سوشل میڈیا ویب سائٹس پر اپ لوڈ کیا تاکہ اس تنظیم کے افکار کو عام کیا جا سکے۔
سعودی عرب: گداگروں کو خیرات نہ دینے کی ہدایت جاری
پراسیکیوشن کی تحویل میں لیے گئے ملزم کو اس کے خلاف عائد کیے گئے الزامات سے آگاہ کرتے ہوئے مزید تحقیقات کا آغاز کردیا گیا ہے۔
