The news is by your side.

Advertisement

کویت میں غیر ملکی کاروباری افراد کیلئے بڑی سہولت کا اعلان

کویت سٹی : کویتی حکومت نے مملکت میں کاروبار کیلئے وزٹ ویزے پر آنے والے غیر ملکیوں کو رہائشی ویزے دینے کی خوشخبری سنادی، اس حوالے سے کویتی سپریم کمیٹی برائے کورونا ایمرجنسی ٹیم نے باقاعدہ اجازت دے دی ہے۔

تفصیلات کے مطابق سپریم کمیٹی برائے کورونا ایمرجنسی نے دکانوں کے مالکان اور کمپنیوں کو کویت کے تجارتی وزٹ ویزا کو ورک پرمٹ میں تبدیل کرنے کی اجازت دے دی۔

یہ فیصلہ وزرائے مجلس کے جنرل سکریٹریٹ کی جانب سے پبلک اتھارٹی برائے افرادی قوت کے ڈائریکٹر جنرل کو جاری کردہ ایک سرکاری مراسلے میں سامنے آیا ہے۔

اس جاری کردہ سرکاری خط میں کورونا ایمرجنسی نے دکان مالکان اور تجارتی کمپنیوں کے کمرشل انٹری ویزوں کی منتقلی کی اجازت کی درخواست کی منظوری دے دی ہے۔

اس کے بعد دکان مالکان اور تجارتی کمپنیاں بزنس وزٹ ویزوں کو رہائشی ویزوں میں تبدیل کرواسکتی ہیں اور انہیں ملک چھوڑنے کی بھی ضرورت نہیں ہوگی۔

انہوں نے انکشاف کیا کہ پچھلے طریقہ کار کے تحت آجر کو ملک سے باہر ہونے کی صورت پبلک اتھارٹی برائے افرادی قوت سے ملازمت کے لئے اجازت نامہ حاصل کرنے کی ضرورت ہوتی ہے اور پھر اس اجازت نامے کی منظوری کے لئے وزارت داخلہ سے رابطہ کیا جاتا ہے۔

باخبر ذرائع نے زور دے کر کہا کہ پی اے ایم کی طرف سے ابھی تک اس فیصلے پر عمل درآمد کے طریقہ کار کا تعین کرنے کے لئے کوئی فیصلہ جاری نہیں کیا گیا ہے جس سے یہ ظاہر ہوتا ہے کہ پی اے ایم آئندہ چند روز میں اس سلسلے میں کوئی فیصلہ جاری کرے گا۔

Comments

یہ بھی پڑھیں